Қазіргі уақытта, гидроэлектр станциясының негізгі құрылыстары мен гидромеханикалық жабдықтарын монтаждау бойынша құрылыс-монтаждау жұмыстары 95 пайыздан астам орындалды.
ШҚО-да 2016 жылы басталған Тұрғұсын өзенінде қуаты 24,9 МВт Тұрғұсын ГЭС құрылысы аяқталуға жақын. Нысанды іске қосу бойынша жобалық мерзімдер 2020 жылдың соңына дейін Қазақстанда пандемия жағдайында қабылданған шектеу шараларына байланысты ауыстырылды: ағымдағы жылдың ақпан айынан қазан айының ортасына дейін мердігердің ЕРС қытайлық мамандары негізгі гидрокүштік және қосалқы жабдықтарды монтаждау бойынша жұмыстарды жалғастыру үшін Қазақстан Республикасының аумағына кіре алмады. 16 қазанда ҚХР мамандары толық құрамда Қазақстанға келіп, жұмысқа кірісті. Бүгінгі күні №1 агрегатты монтаждау жүргізілді, іске қосу-жөндеу жұмыстары жүргізілмеді, №2 және №3 агрегаттарды монтаждау бойынша дайындық жұмыстары жүргізілуде. ГЭС құрылысын аяқтау және пайдалануға беру 2021 жылғы бірінші тоқсанның соңында жоспарланып отыр.
"Тургусун-1" ЖШС директоры Қалаубек Баймұханбетовтың айтуынша, қазіргі уақытта құрылыс алаңында 17 қытайлық және қазақстандық маман бар. Жыл соңына дейін монтаждау жұмыстарына жергілікті кәсіпқойлардан 50-ге дейін адамды тарту жоспарлануда. Объектіні іске қосқаннан кейін ГЭС-ке қызмет көрсетуді және пайдалануды қазақстандық тарап жүргізетін болады.
Тұрғысын ГЭС-ін іске қосу электр энергиясын өндірудің өзіндік құнын төмендетуге және оның тапшылығын Шығыс Қазақстан облысында жылына 78 млн кВтс-қа қысқартуға мүмкіндік береді, пайдалану кезеңінде 15 адам мөлшерінде жаңа жұмыс орындарын ашады. Сондай-ақ, Тұрғысын ГЭС іске қосылуымен ШҚО-да атмосфераға көміртегі оксидтері шығарындыларының жылына 680 тоннаға азаюы болжануда. Бұл жоба "Қазына Капитал Менеджмент" АҚ қорының жасыл инвестициялар портфеліндегі негізгі жобалардың бірі болып табылады.
Тұрғысын ГЭС-ін салу жобасы "Қазына Капитал Менеджмент" АҚ, "Қазақстанның Даму Банкі" АҚ, "Өнеркәсіпті дамыту қоры" АҚ қаржылық қолдауының арқасында және "Тургусун-1" ЖШС-нің өз қаражаты есебінен іске асырылып жатыр.
Анықтама:
"Қазына Капитал Менеджмент" АҚ – 2007 жылы құрылған тікелей инвестициялар қорларының қоры, оның негізгі миссиясы Қазақстанның орнықты экономикалық дамуына жәрдемдесу мақсатында Қазақстанда private equity инфрақұрылымын дамыту болып табылады. "Бәйтерек" ҰБХ" АҚ еншілес ұйымы болып табылады. Қосымша ақпаратты www.kcm-kazyna.kz. сайтынан табуға болады