Екінші тоқсанның басталуы «Қазына Капитал Менеджмент» АҚ компаниясы тарихындағы маңызды оқиғамен тұспа-тұс келді. 2018 жылы 1 сәуірде Компания дамушы елдерде тікелей инвестиция саласындағы барлық әйгілі компанияларды біріктіретін бірден-бір

Екінші тоқсанның басталуы «Қазына Капитал Менеджмент» АҚ компаниясы тарихындағы маңызды оқиғамен тұспа-тұс келді. 2018 жылы 1 сәуірде Компания дамушы елдерде тікелей инвестиция саласындағы барлық әйгілі компанияларды біріктіретін бірден-бір қауымдастық Emerging Markets Private Equity Association (EMPEA) халықаралық ұйымының мүшесі болып ресми түрде қабылданды. «Қазына Капитал Менеджмент» АҚ-ның EMPEA құрамына енуін компания мен қауымдастықтың ортақ мақсаты - дамушы нарық экономикасының тұрақты өсуіне жету үшін тікелей инвестиция құю саласының дамуына деген ұстанымы растайды.

«Қазына Капитал Менеджмент» үшін EMPEA-ға кіру өте маңызды қадам болып табылады, компанияның жаһандық бизнес қауымдастығына терең бірігуіне ықпал ететін болады. Біздің компаниямыздың әлемнің 130 елінде 5 триллион АҚШ долларын басқаратын 300 қатысушыны біріктіретін EMPEA құрамындағы алғашқы қазақстандық компаниялардың бірі болып табылатыны үлкен абырой. Аталған бастама әлеуетті шетелдік инвесторларға қол жеткізуге мүмкіндік береді және халықаралық білім мен технологиялардың трансфертін қамтамасыз етеді», – деп «Қазына Капитал Менеджмент» АҚ-ның басқарушы директоры Бауыржан Ережепов атап өтті.

EMPEA-ға мүшелік етудің бір артықшылығы дамушы елдердегі жетекші PE компаниялармен тәжірибе алмасу мүмкіндігі болып табылады. Қауымдастықтың қатысушысы ретінде компания да EMPEA талдау және зерттеу шолуы ұсынылған ақпараттық базаға қол жеткізе алады, білім беру іс-шараларына қатысу арқылы қызметкерлердің білім деңгейін арттыру мүмкіндігін, сонымен қатар Қазақстанда реттеу мәселелері бойынша салалардың мүдделерін қорғау кезінде қолдау алады.

«Мен EMPEA атынан Сіздерді қауымдастықтың жаңа мүшесі ретінде шын жүректен құттықтағым келеді. Біз IFC-нің EMPEA-мен бірлесіп Вашингтон қаласында 2018 жылғы 14-17 мамырда өткізетін жылдың ірі оқиғасы Global Private Equity Conference 2018 халықаралық конференциямызда Сіздерді көруге қуанышты боламыз», – деп EMPEA Вице-президенті Киоко Тэрада ҚКМ-ге жолдаған сәлемхатында мәлімдеді.

«Қазына Капитал Менеджмент» АҚ (ҚКМ) – ұлттық экономиканың тұрақты дамуына ықпал ету үшін 2007 жылы құрылған тікелей инвестициялық (private equity) қорлардың қоры. ҚКМ отбасы қорлары экономиканың әртүрлі секторларындағы компанияларға әрі қарай өсу және бәсекеге қабілеттілікті арттыру мақсатында капитал ұсынады. ҚКМ «Бәйтерек» ұлттық басқарушы холдингі» АҚ құрылымына кіреді.

Emerging Markets Private Equity Association (EMPEA) дамушы нарықтардағы тікелей инвестициялардың қауымдастығы болып табылады. Штаб-пәтері – Вашингтон, АҚШ. Құрылу күні – 2004 жыл.

EMPEA құрамына институционалды инвесторлар, басқарушы қорлар және салалық кеңес берушілерден құралған әлемнің 60 елінен 300-ден астам қатысушы кіреді. EMPEA қатысушыларының ішінде: Халықаралық қаржы корпорациясы, Еуропа қайта құру және даму банкі, Goldman Sachs, Morgan Stanley, Citic capital, UFG Private Equity бар.