Бұл жайлы Қазақстан Даму Банкі мен Қазына Капитал Менеджмент бірігіп құрған жаңа Қордың баспасөз мәслихатында хабарланды.
Қордың 97%-ы негізгі инвесторы әрі серіктесі Қазақстан Даму Банкіне (ҚДБ) тиесілі. 3%-ы Қордың тағы бір серіктесі әрі басқарушысы Қазына Капитал Менеджменттің (ҚКМ) үлесінде. Бастапқы капиталы 33,5 млрд теңге ($100 млн).
ҚДБ-ҚКМ Қоры қаржыландыратын жобалар несиенің көптігінен кепілдік бере алмауына, ұзақ мерзiмдi жеңiлдiк кезеңiн қажет етуіне (мысалы, ұзақ мерзiмдi құрылыс, пайдалануға беру, жоспарланған қаржылық көрсеткіштерге қол жеткiзу); борыштық ауыртпалық көрсеткіштерін жақсарту үшін қаржыландыруды қажет етуіне қарамастан, экономикалық тұрғыдан тартымды болуы тиіс.
Қаржыландыруға ҚДБ-нің мандатына сәйкес экономиканың бар саласы қарастырылады.
ОБір жобаның инвестиция мөлшері капиталға тікелей кірген уақытта және/немесе мезанинді қаржыландыру кезінде (жобаны кешендеу үшін немесе акционер капиталдағы үлесін азайтуға дайын болмаған жағдайда) 1 - 10 млрд теңгеге дейін жетеді. Қор 10 жылға құрылған. Жобаларды инвестициялау мерзімі – орташа есеппен алғанда 3-7 жыл.
«Екі даму институттарының арасындағы синергия жобаны алғаш тапқаннан бастау алып, кешенді сараптау мен корпоративтік шешімдер қабылдау кезінде де жалғасын табады. Қазақстан Даму Банкі мен Қазына Капитал Менеджменттің осы Қор аясындағы серіктестігі қосымша қарыз алуға мүмкіндігі жоқ әлеуетті жобаларға private equity құралдарын қолдану арқылы дамуға мүмкіндік береді», - дейді, «Бәйтерек» ҰБХ» АҚ Төрағасының міндетін атқарушы Айдар Арифханов.
«Қордың бастапқы капиталдандыруы 33,5 млрд тенге (100 млн АҚШ доллары) дейін жетеді деп анықтадық. Қосымша қаржыландыру тиісті жобалардың пайда болуына байланысты болады. Қорды кәсіби басқару үшін Қазына Капитал Менеджментті жұмылдырып отырмыз. Сонда компанияның капиталға кәсіби қатысуы мен корпоративтік басқару жүйесін дамытуға қатысты барлық мәселелері шешімін табады»- дейді, «Қазақстан Даму Банкі» АҚ-ның Төрағасы Болат Жәмішев.
«Бұл қор компанияның қызметін бақылау үшін құрылған жоқ. Қор инвестиция ғана ұсынбайды, ҚКМ-тің басқа жобаларының мысалында бизнес процестерді, корпоративтік басқаруды арттыруды, сондай-ақ, компанияның операциондық және қаржылық көрсеткіштерін жетілдіру тәсілдерін көрсетіп, өзінің тәжірбиесімен бөліседі. Бұл бизнестің құндылығын көтеріп, халықаралық инвесторлар үшін компанияның тартымдылығын арттыру үшін қажет», - дейді, «Қазына Капитал Менеджмент» АҚ-ның Төрағасы Асқар Достияров.
Баспасөз мәслихатында Қордың алғашқы құжаты, «АтырауНефтеМаш» ЖШС-н қаржыландырудың негізгі шарттары туралы келісімге қол қойылды. Алдын ала мәліметтер бойынша, компанияның қазынадағы үлесі 1 млрд теңге көлеміне дейін жетпек. Жобадан шығудың болжамды мерзімі: 2022 жыл.
ДАнықтама: 2017 жылдың басында Қазақстандағы жеке меншік капитал нарығының 20-дан астам қатысушысы анықталған. Жеке инвестициялардың жалпы сомасы $24 млрд-тан асады. 13 тікелей инвестициялар қорының жалпы сомасы $2,3 млрд. Оның $493 млн-ы ҚКМ-тің, $1,8 млрд басқа инвесторлардың үлесі. ҚКМ инвестицияларының 70%-ы ҚР-ның экономикасына құйылып, 100% шикізаттық емес секторға бағытталады.
Қазына Капитал Менеджмент қаржыландырған $1-ға $2 – дан аса инвестиция тартады.