Халықаралық мойындалған экологиялық, әлеуметтік және басқару стандарттарына негізделген тұрақты бизнесті дамытуға жәрдемдесу ҚКМ стратегиялық мақсаттарының бірі болып табылады.

Бүгінгі таңда ҚКМ «жауапты инвестиция» моделіне көшу бойынша жұмыс жүргізуде. ҚКМ инвестициялық процестің барлық кезеңдерінде ESG факторларын бағалауды жүзеге асыруға ұмтылады – жобалық ұсыныстарды іздеу, инвестициялық шешімдер қабылдау, қаржыландырылатын жобалардың өмірлік циклін бақылау (соның ішінде қоршаған ортаға және әлеуметтік әсерді бағалау) және жобадан шығу.

«Жауапты инвестициялау» тәжірибесін енгізудің негізгі мақсаты – портфельдік компаниялардың қоғам мен қоршаған ортаға тигізетін тәуекелдерін азайту және олардың бәсекеге қабілеттілігін дамыту мақсатында компаниялардың бизнес-процестерінің тұрақтылығын арттыру.

Осылайша, жобаларды іске асырудан оң экологиялық және әлеуметтік әсерлерді арттыру мақсатында ҚКМ Директорлар кеңесі ҚКМ Тұрақты даму саясатын жаңартты, онда инвестиция алушыларға қаржылық қолдау көрсету және жобаның іске асырылуын одан әрі бақылау шеңберінде экологиялық және әлеуметтік талаптар мен оларды қолдану рәсімдері әзірленді.

ҚКМ Орнықты даму саясатын іске асыру үшін ҚКМ-нің инвестициялық және операциялық процестеріне тұрақты даму қағидаттарын енгізуге, сондай-ақ топ ішіндегі корпоративтік басқару тәжірибелерін жетілдіруге бағытталған іс-шараларды қамтитын ҚКМ-нің 2021-2022 жылдарға арналған орнықты даму іс-шаралар жоспары бекітілді.

2022 жылдан бастап қаржылық емес жария есептілікті дайындау саласындағы халықаралық стандарттарға сәйкес болу үшін ҚКМ GRI (Global Reporting Initiative) есептілігі бойынша жаһандық бастаманы тұрақты даму саласындағы есептілік жөніндегі нұсқаулыққа сәйкес ақпаратты ашу практикасын енгізеді.

Біздің компания осы саладағы жұмыстың ажырамас бөлігі мүдделі тараптармен сапалы және уақтылы өзара әрекеттесу екенін біледі. Біздің мүдделі тараптармен жұмыс ҚКМ Директорлар кеңесінің шешімімен тұрақты негізде жаңартылатын Мүдделі тараптар картасының шеңберінде жүзеге асырылады. Мүдделі тараптар картасы негізгі мүдделі тараптардың тізімін және олардың әсер ету дәрежесін анықтайды. Карта сондай-ақ Компанияның мүдделі тараптардың әрбір тобына әсері туралы ақпаратты жүйелеуге және тиімді өзара іс-қимыл стратегиясын жасауға мүмкіндік береді.

«Жауапты инвестиция» моделіне көшу аясында ҚКМ БҰҰ-ның Жауапты инвестиция қағидаттары қауымдастығына (UN Principles of Responsible Investments) кіру мәселесін қарастыруда. Қауымдастықтың мүшелері – халықаралық тікелей инвестициялық қорлар және қызметі инвестициялық қызметке ESG стандарттарын енгізу арқылы «жауапты инвестиция» тұжырымдамасын дамытуға бағытталған инвестициялық компаниялар.

Қауымдастыққа кіру компания қызметкерлерінің жауапты инвестиция саласындағы ішкі құзыреттерін арттырады және жыл сайын ESG стандарттарын бизнес-процестерге енгізу барысын бағалауға мүмкіндік береді.

ҚКМ қоршаған ортаға көмірқышқыл газы шығарындыларының көлемін азайтуға, ел халқының әл-ауқаты мен өмір сүру сапасын жақсартуға, сонымен бірге қоршаған ортаға түсетін ауыртпалықты, қоршаған ортаның және табиғи ресурстардың деградациясын азайтуға бағытталған «жасыл» жобаларды жүзеге асыруға ерекше көңіл бөледі.

Бүгінгі таңда ҚКМ инвестициялық портфеліне жалпы қуаты 200 МВт болатын жаңартылатын энергия көздері саласындағы келесі іске асырылған жобалар кіреді.

1. Қызылорда облысының Шиелі ауданындағы қуаттылығы 50 МВт « Байқоңыр» күн электр станциясы;

2. Қарағанды облысындағы қуаттылығы 10 МВт «Кеңгір» күн электр станциясы;

3. Шығыс Қазақстан облысындағы қуаттылығы 24,9 МВт Тұрғысын-1 су электр станциясы;

4. Ақмола облысындағы қуаты 100 МВт «Астана ЭКСПО-2017» жел электр станциясы (бұл жобаны «Бәйтерек венчурлық қоры», сондай-ақ DBK Equity Fund қаржыландырды).

2021 жылдың соңында ҚКМ портфеліндегі жасыл жобалардың үлесі 8,47% құрайды.