Sustainable Fitch «Qazaqstan Investment Corporation» АҚ ESG-рейтингін растады

Fitch халықаралық рейтингтік агенттігінің Sustainable бөлімшесі «Qazaqstan Investment Corporation» АҚ-ның (бұдан әрі – QIC, Қоғам) ESG-рейтингін 60 жалпы баллмен «3» деңгейінде растады.

Баға QIC-тің қоршаған ортаға және қоғамға оң әсер ететін компаниялар мен жобаларға инвестициялар көлемін одан әрі ұлғайтуға деген ұстанымын көрсетеді. Sustainable Fitch сондай-ақ Қоғамның Қазақстан экономикасының шикізаттық емес секторларын қаржыландыру мен қолдаудағы, экономиканы әртараптандыруға және елдің орнықты дамуына ықпал етудегі рөлін атап өтті.

Экологиялық бейінді бағалау барысында Sustainable Fitch QIC инвестициялық портфелінің салалық құрылымын ескерді, оның елеулі бөлігін көлік және логистика, өңдеу өнеркәсібі және энергетика салаларына салынған инвестициялар құрайды. Сонымен қатар Қоғам негізінен жаңартылатын энергия көздері саласындағы «жасыл» жобаларды қаржыландыруды жалғастыруда.

QIC-тің әлеуметтік бейініне экономикалық өсуге ықпал ететін кәсіпорындарға салынған инвестициялар, сондай-ақ денсаулық сақтау, білім беру және азық-түлік қауіпсіздігі сияқты әлеуметтік маңызы бар бағыттарға салынған инвестициялар оң әсер етеді.

Sustainable Fitch сондай-ақ QIC-тің корпоративтік басқару жүйесін оң бағалап, басқару органдарының екі деңгейлі құрылымын және Директорлар кеңесіндегі тәуелсіз мүшелердің жоғары үлесін атап өтті.

Sustainable Fitch бағалауынша, Қоғамның негізгі қызметі БҰҰ-ның орнықты даму мақсаттарының бірқатарына, атап айтқанда, қол жеткізуге ықпал етеді:

• 7-мақсат – Қол жетімді және таза энергия;

• 8-мақсат – Лайықты жұмыс және экономикалық өсу;

• 9-мақсат – Индустрияландыру, инновация және инфрақұрылым.

ESG-рейтингтің расталуы QIC-тің ESG-бейінінің тұрақтылығын және орнықты даму қағидаттарының Корпорацияның инвестициялық қызметіне жүйелі түрде интеграцияланып жатқанын көрсетеді.

Толық ақпаратпен келесі сілтеме бойынша танысуға болады:

https://www.sustainablefitch.com/site/pr/10359534