Қор «Қазына Капитал Менеджмент» қатысуымен энергетика саласындағы жобадан табысты шықты

«Қазына Капитал Менеджмент» бірлескен инвестициялық қоры және CITIC Capital - CITIC Kazyna Investment Fund Қытай инвестициялық компаниясы Қазақстанның энергетика саласындағы жобадан табысты шыққаны туралы хабарлайды. 2015 жылы Қор «Қазына Капитал Менеджмент» қатысуымен «Орталық-Азия электроэнергетикалық корпорациясы» АҚ (ОАЭК) акционерлік капиталын инвестициялады. «Орталық Азия отын-энергетикалық компаниясы» АҚ- ы тұлғасындағы акционерлердің ОАЭК-тың 1,45% акциясын қайта сатып алуы 2020 жылдың сәуірінде аяқталды. Жобадан (IRR) шығу қорытындысы бойынша кірістілік АҚШ долларымен жылдық 10% - ды құрады. Инвесторлардың ОАЭК жобасына қатысуы кезінде өндірілген энергия қуаты 6 529 млн кВтсағ-тан 7 033 млн кВтсағ-қа дейін өсті, белгіленген электр қуаты 142 МВт-қа, Павлодар 3-ЖЭО және Петропавл 2-ЖЭО-да жаңғырту және жаңа қуаттарды енгізу есебінен 1076 МВт-тан 1218 МВт-қа дейін артты. 2015 жылмен салыстырғанда атмосфераға шығарындылардың шоғырлануы 5,5% - ға төмендеді, электр және жылу желілеріндегі шығындар тиісінше 0,8% - ға және 0,5% - ға төмендеді. Осы жобаны іске асыру Қазақстан Республикасының электр энергетикалық секторын дамытуға ықпал етті және «Қазына Капитал Менеджмент» стратегиялық міндеттеріне сәйкес private equity саласындағы халықаралық институционалдық инвесторларды тартудың табысты мысалы болып табылады. «Қазына Капитал Менеджмент» АҚ - 2007 жылы құрылған тікелей инвестиция қорларының қоры болып табылады, оның негізгі миссиясы - Қазақстанның тұрақты экономикалық дамуына жәрдемдесу үшін Қазақстанда private equity инфрақұрылымын дамыту. «Бәйтерек» ҰБХ» АҚ-ның еншілес ұйымы болып табылады. Қосымша ақпаратты мына сайттан табуға болады: kcm-kazyna.kz. «Орталық-Азия электроэнергетикалық корпорациясы» АҚ - тігінен интеграцияланған энергетикалық компания, 2008 жылғы 8 тамызда құрылған. «ОАЭК» АҚ-ның жиынтық белгіленген электр қуаты 1 218 МВт құрайды — Корпорация осы көрсеткіш бойынша Қазақстанның жеке энергия өндіруші компаниялары арасында көшбасшы болып табылады. Қосымша ақпаратты мына сайттан табуға болады: caepco.kz. CITIC Kazyna Investment Fund - Қазақстан-Қытай тікелей инвестициялар қоры, оның инвесторлары «Қазына Капитал Менеджмент» АҚ және қытайлық CITIC Capital инвестициялық компаниясы болып табылады. Қордың капиталы 200 млн. $-ды құрайды.