Қор «Қазына Капитал Менеджмент» АҚ-ның қатысуымен Ақмола облысында құс фабрикасын құру және дамыту жобасынан табысты ішінара шығуды жүзеге асырды

«Қазына Капитал Менеджмент» АҚ (ҚКМ) жалғыз акционері болып табылатын «Baiterek Venture Fund» АҚ тікелей инвестициялар қоры ірі отандық құс фабрикасын дамыту жобасынан табысты ішінара шығатыны туралы жариялады. 2017 жылы «Baiterek Venture Fund» (BVF) АҚ «Аitas KZ» компаниялар тобына Ақмола облысы Бұланды ауданында іске асырылатын Макинск құс фабрикасының (МҚФ) бірінші кезегінің құрылысы жобасын іске асыруына қолдау көрсеткен болатын. 2018 жылы МҚФ құрылысын аяқтау қорытындысы бойынша құс фабрикасы 2019 жылы толық жобалық қуатқа шықты. 2019 жылғы желтоқсанда ҚКМ – BVF және DBK Equity Fund C. V. тікелей инвестициялар қорларының консорциумы жоба бойынша валюталық тәуекелдерді төмендету жолымен жобаны қолдауды жүзеге асырды және МҚФ-ның бірінші кезегінің құрылысы шеңберінде Еуропалық Қайта Құру және даму банкінен (ЕҚДБ) тартылған долларлық инвестицияларды теңгемен ауыстыра қаржыландырылды. ЕҚДБ-дан долларлық инвестицияларды теңгемен қаржыландыруға ауыстыру жобаның қаржылық тұрақтылығын уақтылы нығайтуға, оның Қазақстандағы инвестициялық тартымдылығы мен бәсекеге қабілеттілігін арттыруға мүмкіндік берді. Бұл жобаны іске асыру өңірдің дамуына елеулі үлес қосты - 900-ден астам жаңа жұмыс орны құрылды, орташа жалақы 30% - ға артты. Сондай-ақ, ҚКМ көрсеткен қолдаудың нәтижесі құс етін өндіру қуатын жылына 25 мың тоннаға ұлғайту, оның импортын төмендету және елдің азық-түлік қауіпсіздігін қамтамасыз ету болды. Жетекші әлемдік өндірушілерден сатып алынған жаңа технологиялық жабдық еуропалық стандарттарға сәйкес келетін дайын өнімнің сапасын қамтамасыз етуге мүмкіндік береді. Алдағы уақытта жалпы қуаттылығы жылына 50 мың тонна ет өндіретін Макинск құс фабрикасы Орталық Азия өңіріндегі бройлер өсіретін ең ірі құс фабрикасы болады. Жобадан шығу қорытындылары бойынша кірістілік (IRR) жылдық 12%-ды құрады. *** «Қазына Капитал Менеджмент» АҚ – Қазақстанның тұрақты экономикалық дамуына жәрдемдесу мақсатында 2007 жылы құрылған, негізгі миссиясы - Қазақстандағы private equity инфрақұрылымын дамыту болып табылатын тікелей инвестициялық қорларының қоры. «Бәйтерек» ҰБХ» АҚ-ның еншілес ұйымы болып табылады. Қосымша ақпаратты келесі сайттан табуға болады:kcm-kazyna.kz. «Baiterek Venture Fund» АҚ - 2014 жылы құрылған тікелей инвестициялар қоры Қазақстан экономикасының басым салаларында жұмыс істейтін отандық компанияларға қаржылық қолдау көрсетеді. «Қазына Капитал Менеджмент» АҚ -ы 100% еншілес ұйымы болып табылады. Қосымша ақпаратты келесі сайттан табуға болады: kcm-kazyna.kz. «Аitas KZ» АҚ - «Aitas» холдингінің Басқарушы компаниясы, оның құрамына өсімдік шаруашылығы, құс етін өндіру және өңдеу, дистрибуция, жобалау және құрылыс саласындағы 11 кәсіпорын кіреді. Қосымша ақпаратты келесі сайттан табуға болады: aitas.kz.