Ақмола облысындағы құс фабрикасының құрылысын аяқтау үшін «Қазына Капитал Менеджмент» компаниясы қосымша $ 5.85 млн. инвестициялады

Ақмола облысы, Макинск қаласында салынып жатқан құс фабрикасынының бірінші кезеңі 2018 жылдың үшінші тоқсанында пайдалануға беріледі. Бұл жайлы құс фабрикасының құрылысын тексеру барысында «Қазына Капитал Менеджмент» өкілдері мәлімдеді. Олардың айтуынша, 2018 жылдың үшінші тоқсанында бройлерді, инкубаторды, құс фабрикасын өсіруге арналған төрт алаңды іске қосу жоспарланып отыр. Құс фабрикасының бірінші кезектегі өнімділігі тірі салмақта жылына 25 мың тонна бройлер болады. Кәсіпорынның бірінші кезектегі негізгі өнімі - салқындатылған бройлер еті, Астана, Қарағанды, Көкшетау, Қостанай және Петропавл қалаларының ішкі нарығына жеткізіліп, оның 50-60 пайызын иелену жоспарланып отыр. Жалпы құны 100 миллион АҚШ долларынан асатын жоба «Baiterek Venture Fund» АҚ («Қазына Капитал Менеджмент» АҚ еншілес ұйымы) тікелей инвестициялар қоры, Еуропалық Қайта құру және Даму Банкі (ЕҚДБ) мен «Қазақстанның Даму Банкі» АҚ-ның (ҚДБ) қатысуымен жүзеге асырылуда. «Зауыт жоспарлағанымыздай 2018 жылдың 1 тамызында іске қосылады. Ал, өндіріс қарашаның 1-де басталады. Бұл Қазақстан үшін инновациялық жоба. Зауыт Германия, ЕО елдері мен Жапониядан әкелінген құс өсіру, өндіру және жемшөп өндіру саласындағы ең үздік технологиялармен жабдықталуда. Қазір зауытта мердігелерді қосқанда, 400 адам жұмыс істейді. Зауыт толық іске қосылғаннан кейін жұмыс орындар саны 900-ге дейін жетпек. Осы сатыда біз жемшөпке арналған шикізатты сатып аламыз. Кәсіпорынды жемшөппен толық қамтамасыз ету үшін осы аймақта жер банкін құруды жоспарлап отырмыз. Ал, шикізатты, яғни бидай мен күнбағысты, жергілікті өндірушілерден сатып алмақпыз» - дейді, «Макинск құс зауытының» директоры Алексей Шевченко. «АО «Вaiterek Venture Fund» тікелей инвестициялар Қоры («Қазына Капитал Менеджмент» АҚ еншілес ұйымы) соңғы $5,85 млндық траншын аударып, жобаны келісілген $9 млн.-мен толықтай қаржыландырды. Біз құрылыс жұмыстарын қадағалау үшін арнайы келдік. Барлығы жоспардағыдай жүзеге асуда. 2018 жылдың 1 тамызында құс фабрикасының бірінші кезеңі іске қосылады деп күтудеміз. Жоба «Бәсекеге қабілеттілік көшбасшылары — ұлттық чемпиондар» мемлекеттік бағдарламасы аясында агроөнеркәсіптік кешенде іске асып жатқандықтан, Қазына Капитал Менеджмент пен Вaiterek Venture Fund үшін стратегиялық болып табылады. Бұл зауыт экономиканың шикізаттық емес секторында бәсекеге қабілетті, экспортқа қауқары бар кәсіпорын болады деп үміттенеміз. Жылына өндірілетін 25 мың тонна құс еті, қазіргі уақытта елімізге импортталатын 150 мың тонна құс етінің деңгейін айтарылқтай төмендетеді деген сенімдеміз» - дейді, АО «Вaiterek Venture Fund» Басқарма Төрағасының орынбасары Арслан Басибеков. 2020 жылы зауыттың екінші кезеңі іске қосылады деп күтілуде: төрт бройлерлік алаңда қосымша 48 тауықхана салынады. Жоспар бойынша, бірінші кезеңде облыстық бюджетке 1 млрд. теңге, екінші кезеңде - 2 млрд. теңге кіріс түседі. Толық іске қосылғаннан кейін, кәсіпорын жылына 60 мың тонна құс етін өңдеп, өндіріс бойынша Орталық Азия аймағында ең ірі құс фабрикасы болмақ.