QIC-те стратегиялық ESG сессиясы өтті

2020 жылғы желтоқсанда Климаттың өзгеруіне байланысты өршіл міндеттер жөніндегі саммитте (Climate Ambitions Summit) Қазақстан Республикасының Президенті Қасым-Жомарт Тоқаев Париж келісімі бойынша Қазақстанның міндеттемелерін растай отырып, Қазақстанның 2060 жылға қарай көміртегі бейтараптығына қол жеткізуі туралы жаңа мақсатын жариялады.

Көміртегі бейтараптығына қол жеткізу жөніндегі шаралар шеңберінде ҚР көміртегі бейтараптығына қол жеткізуінің 2060 жылға дейінгі стратегиясы (бұдан әрі - Стратегия) бекітілді. Стратегияға сәйкес, осы мақсатқа жету үшін 610 миллиард АҚШ доллары көлеміндегі инвестиция қажет.

Әлемдік үрдістер мен жаһандық сын-тегеуріндерге бағдарланып, елдегі private equity нарығының негізгі ойыншысы бола отырып, Qazaqstan Investment Corporation (бұдан әрі - QIC) өзінің стратегиялық міндеттерінің бірі ретінде «Халықаралық танылған экологиялық, әлеуметтік және басқару стандарттарына (ESG) негізделген тұрақты бизнесті дамытуға жәрдемдесуді» белгіледі.

2023 жылғы 28 сәуірде «жауапты» инвестициялау моделіне көшу жөніндегі қызмет шеңберінде QIC қызметкерлері үшін стратегиялық ESG сессиясы өткізілді.

Сессия тұрақты даму тұжырымдамасының негізгі аспектілерін және тақырыптық жағдайларға негізделген бірқатар практикалық тапсырмаларды таныстыруды қамтыды.  

Сессия қатысушыларына QIC тәуелсіз директоры Николас Пейдж құттықтау сөз сөйледі.

Пейдж мырза инвестициялық қоғамдастық арасында «жауапты» мінез-құлықтың маңыздылығы мен қажеттілігін атап өтті, сондай-ақ ESG факторларын интеграциялау жөніндегі жұмыс корпорацияның барлық бизнес-процестерінде жүргізілуі тиістігін атап өтті.

QIC басқарушы директоры - Мөлдір Жақанова және Стратегиялық даму және халықаралық ынтымақтастық департаментінің директоры - Мирас Өтепов тұрақты даму саласындағы әлемдік күн тәртібі мен жаһандық сын-тегеуріндерге тоқталып, жердегі климаттың өзгеруіне және Қазақстанның экологиялық проблемаларына байланысты мәселелерді көтеріп, QIC жұмысында жауапты инвестициялау тұжырымдамасын бейімдеу бойынша нәтижелер мен жоспарларды ұсынды.  

«Жауапты инвестициялау - бұл инвесторлар үшін экологиялық, әлеуметтік және басқару факторларының, сондай-ақ қаржы нарықтарының ұзақ мерзімді тұрақтылығының маңыздылығын мойындайтын инвестициялау тәсілі.

Deloitte зерттеулеріне сәйкес, әлемде қаржы өнімдерінің осы түріне инвесторлардың өсіп келе жатқан сұранысы есебінен ESG қағидаттарын біріктіретін басқарылатын активтер көлемінің (AUM) тұрақты өсуі байқалады.

Ағымдағы өсу қарқынында ESG біріктіретін активтер қағидаттары 2024 жылға қарай бүкіл әлем бойынша кәсіби басқарылатын активтердің жартысын құрауы тиіс.

Бұл трендтің жоғары даму қарқыны ESG қағидаттарын интеграциялаған компаниялар көрсететін жоғары қаржылық нәтижелерде көрінетін оң әсерлерге байланысты. Бұл ретте компанияның инвестициялық қызметіндегі ESG стандарттарына бейілділігі тәуекелдерді төмендетуге ықпал етеді, осылайша компаниялар қысқа мерзімді перспективада нарықтық ауытқулардан және ұзақ мерзімді перспективада активтер құнының құнсыздану тәуекелінен жақсы қорғалады.

QIC инвестициялық процестің барлық кезеңдерінде: жобалық ұсыныстарды іздеуден бастап жобадан шығуға дейін ESG стандарттарына сәйкестігі тұрғысынан корпорацияның портфельдік компаниялармен бірлескен жұмысы арқылы тұрақты даму практикасын бейімдеу жөніндегі жұмысты жалғастырады» - деп QIC басқарушы директоры Мөлдір Жақанова сессия қатысушыларымен бөлісті.

Келесі ақпаратты басқа қаріппен көрсетеміз

«Жауапты инвестициялау» моделіне көшу шеңберінде 2022 жылғы қазанда QIC БҰҰ-ның «Жауапты инвестициялау қағидаттары» қауымдастығына (UN Principles of Responsible investments) кіріп, өзінің инвестициялық қызметіне ESG стандарттарын енгізу тұжырымдамасын ұстанатын институционалдық инвесторлардың жетекші халықаралық желісіне қосылған ТМД-дағы алғашқы квазимемлекеттік қаржы институты болды.

Ағымдағы жылдың сәуір айында QIC Біріккен Ұлттар Ұйымының Жаһандық шартына (UN Global Compact) қосылды, бұл, өз кезегінде, корпоративтік әлеуметтік жауапкершілік қағидаттарын одан әрі енгізуге, бірлескен білім беру, акселерациялық бағдарламаларды іске асыруға және корпорацияның стейкхолдерлері арасында БҰҰ-ның он жалпы қағидаты мен құндылығын ілгерілетуге ықпал етеді.

2022 жылдан бастап қаржылық емес есептілікті ашу саласындағы корпоративтік ашықтықты арттыру мақсатында QIC GRI (Global Reporting Initiative) Жаһандық есептілік бастамасының тұрақты дамы саласындағы есептілік жөніндегі нұсқаулығына сәйкес ақпаратты ашу практикасын енгізеді.